contoh siaran radio bahasa jawa

Nama radio         : RRI Pro 4 Yogyakarta

Penyiar                 : Widiantoro S.Sos

Program               : Batik (babagan niti kabecikan)

Format                 : Informasi Agama Hindu

Durasi                   : 30 menit

Segmentasi        : semua umur

Gaya penyiar     : penyuluhan

OPENING

OM Swastyastu,/ sugeng enjing para pamiarsa setia wonten gelaran 106,.. FM Pro sekawan Radio RRI ngayogyakarto// pepanggihan malih kaliyan kulo/ Widiantoro wonten acara/ batik/ babagan niti kabecikan agami hindu// Kados adat sabenipun kulo ngrencangi para pamiarso sedoyo/ kanthi wedal tigang dasa menit sak mangke// kulo badhe mbahas ajaran ajaran agami hindu/ kangge ngemotaken malih ajaran-ajaran agami kangge sedaya umat hindu dharma/ wonten tlatah Ngayogyakarto// saking meniko mangga tansah midangetaken wonten gelaran 106,..FM  Pro sekawan Radio RRI Ngayogyakarto//

-

CONTENT

Bapak-bapak/ ibu-ibu saha sadherek-sadherek umat sedharma ingkang kulo kurmati//

Wekdal meniko/ kulo badhe mbahas Dasar-dasar Kapitadosan Agami Hindu// Agami Hindu nggadahi “sraddha” utawi dasar-dasar kapitadosan/ salah sakwijining kapercayan umat agami hindu kangge pedoman saha tuntunan wonten gesang/ kangge usaha nggayuh/  katentreman/ kerahayuan/ keslametan kados tujuan gesang/ inggih meniko “Moksartham Jagadithaya ca iti Dharmah”//

Lajeng/ ingkang pundi kemawon sraddha Hindu ingkang dipun maksud?//

Agami Hindu nggadahi gangsal pokok kapitadosan/ dipun sebat/ Panca Sraddha inggih meniko :

Setunggal/ pitados Wontenipun Tuhan Yang Maha Esa/ Ida Sang Hyang Widhi Wasa//

Kalih/pitados wontenipun atman/ utawi roh//

Tiga/ pitados kalih Hukum Karma Phala//

Sekawan/ pitados wontenipun Punarbhawa//

Gangsal/ pitados wontenipun Moksa//

Nah/ bapak-bapak/ ibu-ibu sarta shaderek agami Hindu pamiarso wonten/ gelaran 106,..FM Radio RRI Ngayogyakarto/  manggo kito bahas setunggal-setunggal/ panca sraddha meniko//

Pitados wontenipun /Ida Sang Hyang Widhi Wasa//

Agami Hindu pitados wontenipun Zat ingkang dipun sebat Brahman (ida Sang Hyang Widhi Wasa)// Brahman meniko Mutlak/ Maha kuwoso/ Maha Esa/ Maha Pengasih/ Maha Adil lan sapanunggalanipun// zat meniko mboten saget dipun jangkau ngangge pikiran/ wonten pundi-pundi kemawon/ mboten saget dipun padake kalehnopo kemawon//

Wonten kitab uphanisad Brahman dipun sebat “neti-neti”/ sanes niki/sanes niku// ananging brahman meniko ajeg wonten// wonten kitab wedha/ Penjenenganipun kasebat  tat  tegese kuwi saha sat/ tegesipun kebenaran// tat sat : kuwi kebenaran// ing nusantara mriki dikenal ngagem asma Ida Sang Hyang Widhi Wasa// sang artinipun piyambake/ hyang tegesipun Gaib/ lajeng widhi wasa tegesipun/ ingkang ndadekake//  Ida Sang Hyang Widhi Wasa : piyambakipun ingkang gaib/ingkang ndadosaken//

Ingkang menarik saha unik/ brahman meniko kagungan asma ingkang kathah// umpaminipun brahma (pencipta)/ wisnu (pemelihara)/ siwa (pelebur)// brahman ugi kagungan kekiatan kekiyatan alam/ kados agni (geni)/ srengenge/ bulan/ angin lan sapanunggalanipun// Saenggo kathah tiyam awam nganggep agami hindu/ agami alam// agami ingkang nyembah banyak Tuhan// ananging penganggep meniko salah sanget// agami Hindu pitados lan nyembah satu Tuhan// wonten / chandogya upanisad : / Ekam eva adwityamtasmad asatah sajjayana tegesipun / piyambake Maha Esa, mboten wonten ingkang kaping kalih/ saking piyambakipun sedoyo makhluk kaciptakaken//

-

Kita lajengaken kapitadosan ingkang nomer kalih inggih meniko/

Pitados wontenipun roh/ atman//

Brahman/ ingkang nyiptakaken menungso/ ugi wonten ing sajroning badan meniko/ disebat jiwa/ zat hidup// wonten bahasa sanskerta kasebat atman/ meniko ingkang nyebabaken menungso meniko gesang/ tanpa atman/ menungso meniko pejah//

Atman meniko percikan brahman ingkang wonten badan menungso// wonten kitab Bhagavadgita  II. 20 : na jayate mriyate va kadacin/ nayam bhutva bhavite va na bhuvah/ ajo nityah sasvato’ yam purano/ na hanyate sarire// artinipun : atman mboten dipun lahiraken/ mboten saget pejah/ ajeg wonten/ kawit rumiyin wonten/ mboten saget pejah senajan badan jasmani pejah//

Lajeng menawi tiyang meniko seda / pundi paranipun atman?//

Sajroning tiyang gesang temtu nindakaken macem-macem hal/ ingkang sampun/ nembe/ utawi dereng ditindakaen.// biasanipun tiyang tumindak meniko mboten uwal saking kesalahan// sengojo utawi mboten. Sedaya tingkah laku meniko nggadahi akibat/ sae utawi ala// menawi sae ingkang dipun tindakaken / ugi sae ingkang badhe dipun tampi/ kosok wangsulipun menawi tumindak ingkang ala/ ugi nampi akibat ingkang mboten sae//

Hubunganipun sraddha ingkang nomer tigo/ pitados kalih hukum karma//

Karma meniko bahasa sanskerta/ aslipun tembung kri ingkang ngemu teges tumindak/ sedaya tumindak sae utawi ala/lan akibatipun meniko masuk wonten karma//

Hukum artinipun patokan (kaidah/ketentuan) ngengengi peristiwa tertemtu//dados hukum karma ateges sedaya tumindak lan akibatipun/ wonten patokanipun utawi kaidah//

Pitados hukum karma/ berati tumindak panggautan/ sembarang tumindak/ ala menopo sae/  dumugi kasil utawi wohipun/ patokanipun ajeg wonten// kasil utawi woh saking tumindak disebat phala/ karma berarti tumindak/ dados karma phala berarti wohing tumindak. Saben tumindak wonten woh ipun//

Karmaphala ingkang sae disebat subhakarma/ karma ingkang ala disebat a-subhakarma/./ menawi tiyang tasih gesang otomatis  kekalih karma meniko dilampahi. Wonten mriki ketingal keadilan Ida Sang Hyang Widhi Wasa/ mboten memihak sinten kemawon//

Hukum karma/ nggayomi tiyang ingkang tumindak sae lan ningkataken moral saha etikanipun// Kosok wangsulipun/ hukum karma ngukum tiyang ingkang tumindak ala lan damel mrosot moral kehidupan// hukum karma meniko ingkang nemtokaken kelahirannipun benjing//

Wonten tigo jenis karma inggih meniko/

Prarabda karma/ sancita karma/ lan kryamana karma//

Prarabda karma/ karma meniko diumpamaken/anak panak ingkang sampun kalepas saking busur/mboten saget katarik malih/ maksudipun mekaten/ karma sampun  ngasilaken woh wonten gesang tiyang sakmeniko/ akibat akibat tumindak kala rumiyin mboten saget dipun hindari//

Contonipun / dipun lahiraken kanthi badan tertemtu,/rupa kulit/ rai/ termasuk tabiat kalih watak// sedaya kasunyatan menika kedah dilampahi lan ditampi kanthi legawo// namung mekaten amargi ilmu kedokteran ingkang maju bentuk badan dibentuk sae ngangge operasi plastik//

Sancita karma/ karma meniko diumpamaaken anak panah ingkang sampun siap dilepas saking busuripun/ tegesipun/ karma sampun ngasilaken woh utawi phala wonten gesang sakmeniko/ nyebabaken corak mental nanging tasih saget ngrubah lampah ngangge jnana kados pendidikan prakerti lan moral//

Contonipun lare ingkang kirang cerdas prabawanipun/  tasih saget diupayaaken kanthi pendidikan khusus kangge kemajuanipun//

Wonten malih tiyang ingkang tumindak mboten sae kados : maling/ perampok/ penipu lansapanunggalanipun/ saget dipun icali/ ngangge pendidikan agama, ningkataken akhlak/ moral/ lan maringi pelajaran keahlian tertemtu//

Kriyamana karma/ karma saweg ditindakaken sakmeniko// Woh utawi phala/ bakal ditampi wonten gesang sakmeniko//

Menawi dipun penggalih kanthi hening/ gesang mbenjing ditemtuaken piyambak diri pribadi// menawi gesang sakmeniko tumindak sae mbenjing nampi woh ingkang sae lan kosok wangsulipun//

Pripun carane damel karma ingkang sae?//

Sedaya ingkang dipun rtindakaken/ kedah dituntunn/ kanthi landasan dharma// ngatasi nafsu saha egoisme ingkang berlebihan/berpikir ingkang murni-bersih/ saha bakti kalih Ida Sang Hyang Widhi Wasa// kanthi mekaten mlampah wonten jalan kesempurnaaan/ tumuju subha karma//

Sang Hyang Widhi mboten leren-leren/anggenipun nyambut damel ngangge hukum karma phala meniko/ingkang nuduhaken Maha keadilanipun.// hukum karma erat hubunganipun kalih sraddha sekawan : pitados wonten punarbhawa//

Umat Hindu pitados wontenipun phunarbhawa utawi manitis (kelahiran kembali)/ menopo kedah lair malehing ndonya meniko?// penjelasanipun mekaten/tujuan lahir malih meniko mboten amargi angsal hadiah utawi dipilara/kosok wangsulipun kangge tumuju keadaan ingkang soyo sae/ tumuju kasampurnan// punarbhawa nyadaraken tiyang kangge lepas saking proses gesang lan pejah/ amargi mboten saget tiyang lepas saking siklus hidup lan matiangsal kasampurnan saha mukti menawi mboten nglampahi proses kematian kaleh kehidupan// kathah ingkang ngraosaken/ pitados / kados Budhha, Plato, Pithagoras lan kapitadosan mesir kuno wontenipun tumimbal lahir//

Tiyang seda/ atmanipun (jiwa,zat hidup)/ uwal saking badanipun/ ingkang nerek katut inggih meniko prana (tenaga vital, pikiran, ingatan, akal)/ sedaya pangertosan, penggalihan/raos/inera/ kebodohan, kesaenan, sedoyo ingkang mboten sae lan suksma bhuta (unsur jasmani halus/mboten saget digrayang)//

Pitados wontenipun moksa/ punarbhawa (pejah lan gesang ing donya meniko/ ditemtoke kalih hukum karma. Atman nglampahi macem macem kasengsaran kasebat samsara/ menawi atman sampun resik/ amargi nindakaken dharma/ atman  lolos saking hukum karma/ kasebat niskama karma// mboten nglampahi punarbhawa malih/ mboten samsara malih/ keadan meniko diwastani moksa (bebas, mukti langgeng)// tiyang pikantuk moksa mboten nmung menawi sampun seda ananging tiyang tasih gesang wonten alam donya. Nanging temtunipun meniko mboten gampil//

Wonten epik mahabharata/ dipun critaaken menawi prabu yudistita meniko pikantuk moksa rikala tasih gesang ing alam ndonya/ amargi tekun nindakaken kebenaran, jujur adil, welas asih, tanggel jawab/saha taat manembah kaliyan Ida Sang Hyang Widhi Wasa//benten kalih sedoyo rayinipun ingkang seda sedanten wonten ndonya//

Pripun usahanipun umat supados uwal saking lingkaran punarbhawa?//

Saking meniko kedah dipun upayaaken nglampahi karma yoga/ sedaya makhluk saking paling alit dumugi palimng ageng/ tumindak kangge nggayuh tujuan kebebasan pikiran, kebebasan badan, saha kebebasan jiwa.// usaha kangge nggayuh kebebasan meniko berarti nguwali diri ssaking ikatan ikatan karma/. Meniko ateges mboten terus mboten nyambut damel utawi tumindak/ ananging mbebasaken raos terikat/kaleh pedamelan meniko/ dipun jagi supados pikiran ajeg bebas/ saking raos keterikatan kalih pedamelan// raos keterikatan meniko nuwuhaken rong perkawis : seneng lan susah// kasusahan meniko muncul saking raos keterikatan. Sanes saking pedamelan//

Ingkang dipun maksud terikat inggih meniko/ wontenipun khawathir, was-was/ ajrih/lan sapanunggalainpun.// wonten mriki ingkang kasebat suka sifatipun namung sementara.//

Karma yoga ngajaraken ; mboten usah meninggalkan kadonyan, gesang wonten dunia nyata/ namung dipun atasi saha tahan sedoyo pengaruh-pengaruhipun sak kathah kathahipunkagem diri piyambak mboten kagem tiyang sanes// dados kita ajeg nindakaken karma yoga supados mboten terikat oleh hukum karma //

Wonten tiga bentuk moksa ingkang sampun dilampahi tiyang ingkang sampun moksa:/

Moksa/ adi moksa/ saha parama moksa.// kasebat moksa menawi tiyang tasih ninggal badan jasmani// kasebat adhimoksa menawi tiyang moksa meniko ninggalaken badan jasmani awujud abu/ amargi sampun kabakar kalih agniyoga/ tiyang ingkang yoganipun sampurna /saget nindakaken menika// lajeng prama moksa menika moksa ingkang mboten ninggalaken badan jasmani/ utawi moksa sak ragane/ badan jasmani terserap secara alus/ mboten wonten bekasipun//

CLOSSING

Nggih bapak-bapak/ ibu-ibu saha sederek-sederek umat sedharma / pamiarso sedaya/ mboten kraos wekdal sampun jangkep 30 menit/ kulo widiantoro anggenipun ngrencari panjenengan sedaya/ nyuwun pamit/ pepanggihan malih wonten acara, wekdal saha gelombang 106,.. FM Radio RRI Ngayogyakarto. Matur suwun. Kulo pungkasi kanthi parama santhi/ om santhi/ santhi/ santhi om